ಗುರುತು

ಭಾವ ಬಂಧನದಲಿ ಸಿಲುಕಿ ಸುಮ್ಮನೇ
ನೂರು ಗೊಂದಲಗಳು ಕುಲುಕಿ ಮೆಲ್ಲನೆ
ಯಾವ ಮೋಹದ ಬೆನ್ನ ಹತ್ತಿರುವೆ
ನಿನ್ನ ಗುರುತು ಮಾಡಿಕೊಡು ನಿನಗೆ

ಕಳೆದು ಹೋದ ಕೋಟಿ ಕನಸುಗಳನು
ಸಲುಹಿ ಸಾಕುತಿಹೆ ಯಾಕೆ ಸುಮ್ಮನೇ
ಒಂದು ಸಿಗದೆ ಮತ್ತೊಂದು ಕಳೆಯದು
ನಿನ್ನ ಗುರುತು ಮಾಡಿಕೊಡು ನಿನಗೆ

ಉರ ತುಂಬೆಲ್ಲ ದೀಪದ ಬೆಳಕು
ಯಾವ ಬೆಳಕಲ್ಲಿ ಅಡಗಿದೆ ಹೊಳಪು
ಬೆಳಕೆಂಬ ಕತ್ತಲಲ್ಲಿ ಏನು ಹುಡುಕಿಹೆ
ನಿನ್ನ ಗುರುತು ಮಾಡಿಕೊಡು ನಿನಗೆ

ಹೋದ ದಾರಿಯಲಿ ನೂರಾರು ಮುಳ್ಳು
ಹೂವನೊಮ್ಮೆ ಹುಡುಕಿನೋಡು ದಾರಿಯಲಿ
ಸಿಗದೆ ಹೋದರೆ ಅದಕ್ಕೆ ನೀನೆ ಹೊಣೆ
ನಿನ್ನ ಗುರುತು ಮಾಡಿಕೊಡು ನಿನಗೆ


ನನ್ನದೊಂದು ಗುರುತು
ಮಲ್ಲಪ್ಪ.

ಮೌನದ ಕೂಗು

ಮೌನದ ಕೂಗು 

 

ಯಾರು ಬರೆದರು ಹಾಳು ಹಣೆಬರಹವನ್ನ

ನೂರು ದಾರಿಗಳಲು ಕವಲು ದಾರಿಗಳನ್ನ

ಹೋದ ಕಡೆಯಲೆಲ್ಲ ಮೂಲದ ಮರೆವು

ಯಾವ ಮೂಲವ ಹೇಳಲಿ ನಾನಿನ್ನೂ?

ಚಿತ್ತ ಚಂಚಲವ ಎಷ್ಟು ಹಂಚಲಿ

ಹೆಂಚಮೇಲಿನ ರೊಟ್ಟಿ ಹೊತ್ತಿ ಹೋಗಿಹದು

ಜಾತ್ರೆಯಲಿ ನಿಂತು ಆಲಿಸ ಹೊರಟೆ

ನಿಶಬ್ಧತೆಯಲ್ಲಿ ಕೇಳಿದ ನೀರಹನಿಯ ಸದ್ದು

ನಗುವಿನ ಜೊತೆ ಅಳುವೂ ಹುಟ್ಟಿರಬೇಕು

ಅಮ್ರತದ ಜೊತೆ ವಿಷವೂ ದೊರೆತಹಾಗೆ

ಯಾವ ಕಂಠದಿ ಕರೆಯಲಿ ನೀಲಕಂಠನ

ಆಕಾಶವು ಬಣ್ಣದಲಿ ನೀಲಿಯಲ್ಲವೆ?