ಬಿಂಬದ ತುಂಬ

ನೀನೊಂದು ಗುಲಾಬಿಯ ಹೂವ್ವೆಂದು ತಿಳಿದಿರಲಿಲ್ಲ ನನಗಿನ್ನೂ

ನೀನೊಂದು ಗುಲಾಬಿಯ ಹೂವ್ವೆಂದು ತಿಳಿದಿರಲಿಲ್ಲ ನನಗಿನ್ನೂ

ಅರಳೋ ಮುಂಚೆ ಚುಚ್ಚುವ ಮುಳ್ಳೆಂದು ಅಂದುಕೊಂಡಿದ್ದೇನು

ಮೃದು ಮನಸಿನವಳೆಂದು ತೋರಲಿಲ್ಲ ನಿನ್ನನ್ನೇ ನೀನು

ತಿಳಿಯಿತಲ್ಲ ತೊಟ್ಟ ಮುಳ್ಳು ಬರಿ ತೋರಿಕೆಯ ಹೊರಬಿಂಬವನ್ನು

 

ಮನಸುಬಿಚ್ಚಿ ಹಾರುವ ಹಕ್ಕಿಯೆಂದು ಗೊತ್ತಿರಲಿಲ್ಲ ನನಗಿನ್ನೂ

ಮನಸುಬಿಚ್ಚಿ ಹಾರುವ ಹಕ್ಕಿಯೆಂದು ಗೊತ್ತಿರಲಿಲ್ಲ ನನಗಿನ್ನೂ

ಮನಸು ಬಂದಾಗ ಹಾರಿಹೋಗುವೆ ಎಂದುಕೊಂಡಿದ್ದೆ ನಾನು

ನಿರ್ಮಲ ಆಗಸವ ತೋರಿಸುವೆ ಎಂದೆನ್ನಲಿಲ್ಲ ನೀನು

ನಿನ್ನ ಹೆಸರಿನ ಉಸಿರು ನನ್ನೊಳಗಿದ್ದಾಗಲೆ ಹಾರತೊಡಗಿದೆ ನಾನು

 

ನಿರ್ಮಲವಾಗಿ ಹರಿಯುವ ನೀರೆಂದು ಅನಿಸಿರಲಿಲ್ಲ ನನಗಿನ್ನೂ

ನಿರ್ಮಲವಾಗಿ ಹರಿಯುವ ನೀರೆಂದು ಅನಿಸಿರಲಿಲ್ಲ ನನಗಿನ್ನೂ

ಬಾಳಿನ ಪ್ರವಾಹದಲಿ ಮುಳುಗಿಸುವೆ ಎಂದುಕೊಂಡಿದ್ದೆ ನಾನು

ಲೆಕ್ಕವಿಲ್ಲದಷ್ಟು ಜೀವಿಗಳ ಪ್ರಪಂಚವೆಂದು ತೋರಲಿಲ್ಲ ನಿನ್ನನ್ನೇ ನೀನು

ಅರ್ಥವಾಯಿತು ಕೊಳೆಯನ್ನು ತೊಳೆಯುವ ಶಕ್ತಿಯೆಂದು ನೀನು.

ಮರೆತಿರುವ ಮಾತು

ಎಂದೋ ಮರೆತುಹೋದ ಮಾತು ನೀನು

ಅಲ್ಲೇ ಕಳೆದುಹೋದ ಮುತ್ತು ನೀನು

ಅರೆಯೋಮುನ್ನವೆ ಮರೆಯಾಗಿಹೋದೆ

ಇನ್ನು ಮುಂದೇನು ಹೇಳಲಿ ನಾನು?

ಮುಸುಕಿನಲಿ ಮೂಡಿರುವ ಮೌನದಹಾಗೆ

ಕೆಸರಿನಲ್ಲಿ ಅರಳಿರುವ ತಾವರೆಹಾಗೆ

ಹೆಸರಿಡಲಾಗದ ಭಾವನೆಯಹಾಗೆ

ಉಸಿರಿನಲಿ ಬೆರೆತಿದ್ದೆ ನೀನು ನನ್ನೊಳಗೆ

ಕನಸಿನಲಿ ಕುಸುಮಗಳ ತೋಟವೇ ನೀನು

ಮನಸಿನಲಿ ಉಳಿದಿರುವ ವೇದನೆಯು ನೀನು

ಹಳಸದಿರುವ ಬಹುದಿನದ ತುತ್ತು ನೀನು

ಆದರು ಕನವರಿಸುತ್ತಿರುವೆ ಪ್ರತಿ ಹೊತ್ತು ನಾನು

ಹಾಲಿನಲ್ಲಿ ಅವಿತಿರುವ ಕೆನೆಯಹಾಗೆ

ಕರಿಮೋಡದಲ್ಲಿ ಕಾದಿರುವ ಬಿಂದುವಿನಹಾಗೆ

ಉಸಿರಿನಲಿ ಬೆರೆತಿರುವ ಪ್ರಾಣದಹಾಗೆ

ಬೆರೆತಿರುನಿ ಎಂದೆಂದು ನನ್ನಲಿ ಹೀಗೆ!!

ಅಳಿಸಲಾಗದ ನೆನಪು

ಮಲ್ಲಪ್ಪ.